ရှေးအခါကာလ သမယတုန်းက ဥပဒေ လက်တစ်လုံးခြားနဲ့ လိမ်လည်လှည့်ဖျားပြီးတော့ သောက်စားနေတဲ့ လူတစ်ယောက်၊ ဘယ်ပုဒ်မနဲ့မှ အတိအကျ ဖမ်းယူ အပြစ်ပေးလို့ မရနိုင်သဖြင့် ဘုရင်ထီးဘုရားက လူသား
တွေ ဆင်းရဲအောင် ဒုက္ခပေးတဲ့ လူတစ်ယောက်တော့ ဆုံးမ မဖြစ်မယ်ဆိုပြီး မြွေကြီးလေးကောင်ထိန်းဖို့ရာ
မြွေထိန်းအလုပ်ပေးထားပါသတဲ့ ။
အဲဒီမြွေကြီးလေးကောင်ကို အိပ်ချိန်တန်သိပ်ရမယ်၊ ထချိန်တန်နှိုးရမယ်၊ စားချိန်တန်ကျွေးရမယ်၊ အိုက်တဲ့ အချိန်မှာ ရေချိုးပေးရမယ်၊ ဘာရည်ရွယ်ချက်နဲ့လည်းဆိုတော့ မြွေကြီးလေးကောင်ဆိုတာ အဟိတ်တိရစ္ဆာန် အသိညဏ်မရှိဘူး၊ ဒါကြောင့် တစ်ယောက်တည်းနဲ့မြွေလေးကောင်တို့၏ အလိုဆန္ဒကိုမလိုက်လျောနိုင်ရင်
မြွေကြီးတွေ က စိတ်ပေါက်ပြီးတော့ ကိုက်သတ်ပစ်ရင် ဒီလူသေနိုင်တယ်တဲ့. အဆင်အခြင်ကင်းမဲ့တဲ့ မြွေ ထိန်းယောကျာ်းက ကတော့ ဘုရင်ထီးဘုရားကြီး က အလုပ်ပေးတယ်ဆိုပြီး ကျေနပ်နေပါတယ်။
အဲဒီအချိန်မှာ အကျိုးလိုလားတဲ့ ကိုယ်စောင့်နတ်က "အမောင်လူသား. . သင့်ကို ချစ်လို့ ဒီအလုပ်ပေးထား
တာ မဟုတ်ဘူး ဒီမြွေကြီးလေးကောင်မှ တစ်ကောင်ကောင်အလိုမကျရင် ကိုက်သတ်အောင် သေမင်းဆီ
သို့ သင့်ကို လွှတ်နေခြင်းဖြစ်ပါတယ်.. ဒါကြောင့် တွေးမနေနဲ့၊ ငေးမနေနဲ့၊ ဘေးလွတ်ရာသို့ သွားပါ " ---- လို့ပြောတော့ မြွေကြီးတွေ အိပ်ပျော်နေတဲ့ကာလမှာ မြွေထိန်းယောကျာ်းဟာ ထွက်ပြေးသွားခဲ့ပါတယ် ။
မြွေထိန်းယောကျာ်းထွက်ပြေးသွားတာကို ဘုရင်ထီးဘုရားက သိတော့ ဒီကောင့်ကို သတ်ဖို့ရာဆိုပြီး
ကျောင်းတော်က ရန်စ၊ ငြိုးသူရန်ဘက်ဖြစ်ခဲ့တဲ့ ငါးယောက်သော မတည့်သူများကို လွှတ်ပြီး မြွေထိန်း
ယောကျာ်းကို သတ်ဖို့ စေလွှတ်ပြန်ပါတယ်။ မြွေထိန်းယောကျာ်းကလည်း ငါ့နောက်မှာတော့ မြွေတွေ လိုက်မလာနိုင်ဘူး ဆိုပြီးတော့ ပြေးအားလျှော့လိုက်ပြန်ပါတယ် ။
အဲသလိုလျှော့လိုက်တယ် ဆိုရင်ပဲ အကျိုးလိုလားတဲ့ ကိုယ်စောင့်နတ်က "အိုလူသား. . သင့်နောက်ကို
မြွေကြီးလေးကောင်ကလည်း ဒေါသတကြီးနဲ့ လိုက်နေပြီ ၊ ဒါ့ အပြင်လူသတ်သမား ငါးယောက်ကိုလည်း သင့်ထံ စေလွှတ်နေပါပြီ -- ဒါကြောင့် ဝေးရာသို့ ပြေးပါလို့ အားပေးတဲ့ အခါ မြွေထိန်းယောကျာ်းဟာ ရှိ
သမျှ စွမ်းအားနဲ့ ပြေးပြန်ပါတယ်။
ဒီတစ်ခါ မင်းတရားကြီးက မြွေထိန်းယောကျာ်းနဲ့ ငယ်ပေါင်းယောက်ျားနဲ့ ငယ်ပေါင်းကြီးဖော်ဖြစ်တဲ့ ပုဂ္ဂိုလ်
ကို မင်းမိန့်အာဏာနဲ့ မင်းရဲ့သူငယ်ချင်းကို ပရိယာယ်မာယာနဲ့ လှည့်ပတ်ပြီး အနားကပ် ခေါင်းဖြစ်သတ်စေ လို့ နောက်တစ်ယောက်လွှတ်လိုက်ပါတယ်။
ဒီတော့ ခုနကလိုပဲ မြွေထိန်းယောက်ျားဟာ ငါ့နောက်မှာ လိုက်လာတဲ့လူ အရိပ်အယောင် မမြင်သေးပါဘူး
ဆိုပြီး အသော့နှင်ရာက ခပ်ဖြေးဖြေးလေး နေလိုက်ပြန်ပါတယ် ။ ဒီအခါမှာ ကိုယ်စောင့်နတ်က အသင်လူ
သား အတွက် အတွင်းလူယုံတော် ကိုလည်း လွှတ်ထားပါတယ်-- တွေးမနေနဲ့ လွတ်ရာကိုပြေးပါလို့ ပြော
ပြန်တယ်. ။
ဒီလိုနဲ့ ပြေးသွားရင်း လူတစ်ယောက်မှမရှိတဲ့ ခြောက်အိမ်တန်း ရွာတစ်ရွာကို ရောက်သွားပါတယ် ။ တစ်
အိမ်တက် တစ်အိမ်ဆင်းလိုက်ရှာပေမယ့် စားစရာ၊ သောက်စရာ၊ သုံးစရာနတ္တိ ဘာမျှမရှိတာပဲတွေ့ရပါ
တယ် ။ အဲဒီအချိန်မှာပဲ တွေ့သမျှလူ ဓားမဆိုင်းပဲ ခုတ်ပိုင်းသတ်ဖြတ် ပစ္စည်းလုယူသတ်တဲ့ ဓားပြကြီး
ခြောက်ယောက်က ညာသံပေးကလိုက်လာပြန်တယ်.။ အကျိုးလိုလားတဲ့ ကိုယ်စောင့်နတ်က "အသင် လူသား တွေးမနေနဲ့ ဘေးလွတ်ရာကိုပြေးပါ"- လို့ ပြောပြန်တယ်။
ရန်သူနောက်ကလိုက်နေတာ မြွေကြီးလေးကောင်ရယ်၊ လူသတ်သမား ငါးယောက်ရယ်၊ အတွင်းလူယုံ
တော် တစ်ယောက်၊ ရွာပျက်ဓားပြက ခြောက်ယောက် စုစုပေါင်း (၁၆) ယောက်ရှိပါတယ် ။ ဒါတွေကို လွတ်အောင် ပြေးတော့ ရှေ့မှာရေစီးကသန် လှိုင်းကထန်တဲ့ မြစ်ယံကြီးတစ်ခုက ကာဆီးနေပါသတဲ့ ။
အဲဒီအခါမှာ ကိုယ်စောင့်နတ်က အမောင်လူသား ဘာတွေစဉ်းစားနေတာလဲ -တန်ဖိုးရှိတဲ့ အချိန်တွေကို
မဖြုန်းပါနဲ့ ထင်းတွေ ၊ သစ်ဝါးတွေကို ဖောင်ဖွဲ့ပြီးတော့လွတ်ရာကိုပြေးပါ " - လို့. သတိပေးပြောပြန်တယ်။
အဲလိုအကြံညဏ်ပေးတော့ လူသားဟာ ဖောင်ဖွဲ့ပြီး ရင်ကလေးမှေးတင်ကာ လက်ခြေနှစ်ဖက်တို့ဖြင့်ကူး
ယက် သွားပါတယ်. . . နောက်ကိုလှည့်ကြည့်တော့လည်း အခဲမကြေတဲ့ ရန်သူတော် ၁၆- ယောက်ကို မြင်
ရပါတယ် ။ ဘုရင်ကလည်း ရေခြားမြေခြားဖြစ်နေတော့ သူ့ရဲ့ အာဏာစွမ်းဟာလည်း နိဂုံးချုပ် တံတိုင်းကာ
လိုက်ရပါတော့တယ် ။
ဒါပေမယ့် မြစ်ပြင် မဆုံးသေးသ၍ ရေထဲမှာရှိနေတဲ့ ငါး၊လိပ်၊ မကန်း မြွေကင်းတွေကလည်း နှောင့်ယှက်နိုင်
သေးတယ် ။ လေပြင်းမိုးသက်ကျပြီးတော့လည်းသေနိုင်တယ်- ဒါကြောင့် သူ့မှာရှိသမျှ အားနဲ့ မပြီးဆုံးသေး တဲ့ရေပြင်ကို ဆက်လက်ကူး လို့ခရီးတစ်ဝက်ရောက်တော့ ရန်သူတော် ၁၆ယောက်ကတော့ လက်မြှောက် အရှုံးပေးပြီး ပြန်သွားကြပါပြီ ။
သူ့အတွက်ကတော့ ခရီးမဆုံးသေးပါဘူး-ရှိသမျှ အင်အားနဲ့ ကူးလိုက်တဲ့အခါမှာ တစ်ဖက်ကမ်းကို အောင်မြင် စွာ ရောက်ရှိသွားပါတယ် ။ ကမ်းစပ်မြေပြင် ခြေတင်ပြီးသဖြင့် ဘေးအန္တရယ် အသွယ်သွယ် အ၀၀ကနေ လွတ်
မြောက်သွားရပြီဖြစ်ပါတယ်။
.jpg)
